|
Volg die skakels
hierbo na die welkom bladsye in 'n verskedenheid van tale.
 |
|
Afrikaans |
Gestig in 1955
|
Die Simboliek van ons Styl se Wapen
• Die twee Sai versinnebeeld die menslike ligaam sowel as die mengelpot van
skole en style wat bygedra het tot die ontwikkeling van ons styl.
• Die ronde wit agtergrond beeld die gesonde groei van gees uit.
• Die rooi ringe beklemtoon ‘n gesonde liggaam.
Die beginsels van “Ryukyu Kobudo Hozon Shinko Kai”
Diegene wat Ryukyu Kobudo Hozon Shinko Kai beoefen, groei in liggaam en gees
tesame met die verskillende skole en verskeidenheid van style wat hulle beywer
vir die behoud, bevorderdering en onderrig van die Ryu Kyu wapenkuns.
Ons dien die samelewing en streef na vriendskaplike verhoudinge met ander
gevegskunstenaars wêreldwyd. In ‘n gees van vriendskap poog ons om te help in
die ontwikkeling van die gevegskuns.
Ons styl se wapen versinnebeeld beide ‘n gesonde groei in liggaam en gees, sowel
as die vriendskap en vrede wat deur die lede van Ryukyu Kobudo nagestreef word.
Ryukyu Kobudo Hozon Shinko-Kai
Die organisasie is gestig in 1955 deur Shinken Taira (1897-1970) ten behoud en
bevordering van die geskiedkundige Ryukyu Wapenkunste. Die riglyne van die
oorspronklike Ryukyu Kobujutsu Kenkyu Kai organisasie is as grondslag gebruik en
gevolg. Die wapenmeester Yabiku Moden (1878-1941), Taira Sensei se leermeester,
was die stigter van hierdie organisasie.
Shinken Taira het na Tokyo verhuis in 1922. Hy het begin oefen onder die toesig
van die welbekende onderwyser en Karate meester Gichin Funakoshi (1868-1958). Hy
het in 1929 ook die geleentheid gehad om Ryukyu Kobujutsu te beoefen onder
Meester Yabiku Moden. In 1933 stig Taira Sensei ‘n takdojo van Gichin Funakoshi
Sensei se Shotokan Karate in die Gunma prefektuur. Hy werk as instrukteur in
Karate en Kobudo terwyl hy wapens studeer onder Kenwa Mabuni (1889-1952). Taira
Sensei keer terug na Okinawa in 1942.
Okinawa was verarmd in die tydperk na WWII. Die tradisionele gevegskunste was
nie beskou as ‘n prioriteit nie en dit het kommer gewek dat hierdie kuns sal
verval en vergete raak. Verskeie senior Karate-Ka het stelselmatig begin om
skole te heropen. Shinken Taira was bekommerd dat Ryukyu Kobujutsu sal agteruit
gaan en agterweë bly. Gevolglik het hy besluit om iets daaraan te doen en het
hierdie Ryukyu Kobudo assosiasie gestig met die doel om die kuns te bevorder,
bewaar en onderig. Meester Taira het so die eerste president geword en het
ywerig gewerk aan die ontwikkeling van die kunste.
Meester Shinken Taira is in 1970 oorlede en was opgevolg deur sy voorste
student, Eisuke Akamine, wat aangestel is as die tweede president van die
Assosiasie. ‘n Amp wat hy tot sy dood in 1999 behou het.
Geskiedenis vertel ons dat die styl ontwikkel is deur die oud meester Moden
Yabiku in lyn met Sandra Chinen (Yamani Nusume, 1904-1922) se gebruike. Eisuke
Akamine Sensei was ook beinvloed deur sy vorige leermeesters, studente van
Sandra Chinen wie onder andere Seichiro Higa (1890-1991), Raisuke Higa, Yohei
Akamine (1904-1989), Jinsaburo Higa (1900-1981) ingesluit het. Dit het
meegebring dat Sakugawa no Kun, Shushi no Kun, Yonegawa no Kun en Shirotaru no
Kun Bo (Lang Staf) Kata in die sisteem opgeneem is. Die vlugtige bewegings styl
van Shorin Ryu Karate was beklemtoon as ‘n basis vir wapenhantering met die
beklemtoning van Bo en Sai tegnieke. Meer as 20 Kobujutsu Kata met verskillende
wapens is bewaar en word gebruik in die styl.
Met die afsterf van Dai Sensei Eisuke Akamine was sy seun Hiroshi aangestel as
die fakkeldraer en het hy ook die amp as die derde president aanvaar. Die
assosiasie is huidig besig om internasional te vergroot deur die ywerige werk
van talle lokale en internationale studente. Dit kon alleenlik gedoen word deur
die soliede grondslag wat Dai Sensei Eisuke Akamine ons nagelaat het in die vorm
van ‘n kern van goed geskoolde Kobudo-instrukeurs en beoefenaars.
Die hoofdojo is gelee in Nesabu, Tomigusuku, Okinawa.
Vertaling deur Emile van Heerden
Korigeer deur Danie Zeelie. |
|
|
|
|
|
Top of Page
|
|
|
